AHMET ÜNAL
zati
DİVAN ŞAİRİ ZÂTÎ
16.yüzyıl Divan şairlerindendir. (1471-1546)
Bu ne hal ? dedi.Cevap olarak şunları söyledi .
Yiğitlik cevherin elden yitürdüm hasreta kanı Eğlip ararım şimdi bulamam neyleyim anı "
GAZEL
N’oldun inlersin felek hercâî cânânun mı var Seyr ider menzili bir mâh-ı tâbânun mı var
Benzüni ey bûstân fasl-ı hazân mi itdi zerd Yohsa başı taşra bir serv-i hırâmânun mı var
Ağlayub feryad idersin her nefes ey andelîb Hâr ile hem-sâye olmış verd-i handânun mı var
Yoluna cânum revân itsem gerek cânâ didüm Yüzüme bin hışım ile bakdı didi cânun mı var
Zülf-i dil-ber gibi ey Zâtî perîşânsın yine Cevri bî-had yohsa bir yâr-i perî-şânun mı var
GAZEL
Âh çok çok sevdüğüm sanma ki az az ağlaram Nâle eyler dururam derd ile durmaz ağlaram
Vireli yile karârumı hevâ-yi zülf-i yâr Ebr-veş ne yirdeyem ne gökde durmaz ağlaram
Dil miyân-ı cûy-i gamda sen kenâra çekmedün Anun için her dem ey serv-i ser-efrâz ağlaram
Nâya dem-sâz ideli nâlem o ruh-efzâ benüm İrdüğünce sem’üme âvâze-i sâz ağlaram
İsfahan’ı ve Irak’ı Zâti’yâ seyr eyleyüb Bu makaama gelmeğe itdükçe şeh nâz ağlaram
GAZEL
Gül üzülsün gonca açulsun bana sen gül yiter Ağlasun bülbüllerün ey gonca tek sen gül yiter
Ey kamer-ruh fî-l-mesel bir bende-i ferzâne-veş Atı önince piyâde sen şehün ben kul yiter
Mutribâ kaanûn odur kim sâzunı al çengüne Bizi söyletme surâhi didüği kul kul yiter
Bir nedür ben bülbülün zahmı hezâr ur cânına Didüm ol gonca ayıtdı ârife bir gün yiter
Açılub gül kalmasa hergiz negam bülbül ne gam Câm gül Zâtî surâhi kulkul-i bülbül yiter |